ગુજરાત અને સૌરાષ્ટ્ર ને લઈને આગાહી સિસ્ટમ સક્રિય થતા પડી શકે છે ગુજરાતના આ વિસ્તારોમાં ભારે વરસાદ
ગુજરાતમાં વિધિવિત ચોમાસાનું આગમન થઈ ગયું છે. રાજ્યના વિવિધ વિસ્તારોમાં હાલ સારો એવો વરસાદ પડી રહ્યો છે. બીજી તરફ હવામાન વિભાગે આગામી પાંચ દિવસ માટે વરસાદની આગાહી.
હવામાન વિભાગ તરફથી રાજ્યમાં સામાન્ય વરસાદની તો અમુક વિસ્તારોમાં ભારે વરસાદની આગાહી પણ કરવામાં આવી છે. હવામાન વિભાગે સૌરાષ્ટ્ર અને દક્ષિણ ગુજરાતના કેટલાક વિસ્તારોમાં ભારે વરસાદની આગાહી કરી છે. બીજી તરફ હાલ રાજ્યના અનેક વિસ્તારોમાં વાવણી લાયક વરસાદ વરસી ગયો છે.
ક્યાં ક્યાં ભારે વરસાદની આગાહી: હવામાન વિભાગ તરફથી આગામી પાંચ દિવસ સામાન્યથી લઈને ભારે વરસાદની આગાહી કરવામાં આવી છે. હવામાન વિભાગે સૌરાષ્ટ્રના અમરેલી અને ભાવનગરમાં ભારે વરસાદની આગાહી કરી છે. બીજી તરફ દક્ષિણ ગુજરાતના વલસાડ, નવસારી અને સુરતમાં ભારે વરસાદની આગાહી કરવામાં આવી છે.
હવામાન વિભાગના ડારેક્ટર ડૉક્ટર મનોરમાં મોહંતીએ જણાવ્યું હતું કે, “આજે અને કાલે અમુક જગ્યાએ ભારે વરસાદ પડી શકે છે. પાંચ દિવસ રાજ્યમાં વરસાદ રહેશે. એકથી બે જગ્યાએ આજે અને કાલે ભારે વરસાદ થઈ શકે છે. અમદાવાદમાં વાદળછાયું વાતાવરણ બનેલું રહેશે. સાંજે અને રાત્રે થન્ડરસ્ટોર્મ એક્ટિવિટી જોવા મળી શકે છે. હાલ કોઈ સિસ્ટમ સક્રિય નથી.”
સંઘપ્રદેશ દાદરાનગર હવેલીના વાતાવરણમાં પલટો: ગુરુવારે સવારથી જ સંઘ પ્રદેશ દાદરાનગર હવેલીમાં વાદળછાયું વાતાવરણ જોવા મળ્યું હતું. બપોરના સમયે સેલવાસ અને આસપાસના વિસ્તારમાં વરસાદી માહોલ જામ્યો હતો. ગરમીના માહોલમાં અચાનક મેઘરાજાની એન્ટ્રીથી વાતાવરણમાં ઠંડક પ્રસરી હતી અને લોકોએ ગરમી અને બફારાથી રાહત અનુભવી હતી.