રશિયા યુક્રેન યુદ્ધમાં સોથી ખતરનાક દેશની એન્ટ્રી થતાં યુદ્ધમાં મચી ગઇ ખલબલી શું થશે યુદ્ધનો અંત

રશિયા-યુક્રેન યુદ્ધને સો કરતાં વધુ દિવસ થઈ ગયા છે. ઘણા પ્રયત્નો અને વાટાઘાટો છતાં આ યુદ્ધ રોકી શકાયું ન હતું. હવે ચીને આ મામલે પ્રયાસ શરૂ કર્યા છે.ચીને શું કહ્યું મીડિયા રિપોર્ટ્સ અનુસાર, શી જિનપિંગે રશિયાના રાષ્ટ્રપતિ વ્લાદિમીર પુતિન સાથે ફોન પર વાતચીત કર્યા બાદ આ પ્રસ્તાવ રજૂ કર્યો છે.

ચીની રાષ્ટ્રપતિએ કહ્યું, ‘તમામ પક્ષોએ ઉકેલ માટે જવાબદારીપૂર્વક કામ કરવું જોઈએ. અમે વિશ્વમાં શાંતિ સ્થાપિત કરવા માંગીએ છીએ. તેમાં સક્રિય ભૂમિકા ભજવવા માટે તૈયાર છે,’ ચીનના રાજ્ય પ્રસારણકર્તા CCTV દ્વારા આ માહિતી આપવામાં આવી છે.

અગાઉ રશિયાની નિંદાને નકારી હતી
ચીનનો રશિયા સાથે ખૂબ જ ગાઢ સંબંધ છે. અત્યાર સુધી, ચીને યુક્રેનમાં રશિયાની કાર્યવાહીની નિંદા કરવાનો ઇનકાર કર્યો છે. એવું કહેવામાં આવી રહ્યું છે કે શી જિનપિંગનું આ સ્ટેન્ડ યુદ્ધના શરૂઆતના દિવસોમાં અમેરિકી રાષ્ટ્રપતિ જો બિડેન દ્વારા કરવામાં આવેલી વિનંતીના લાંબા સમય બાદ સામે આવ્યું છે.

રશિયા અને યુક્રેન વચ્ચે ચાલી રહેલા વિવાદમાં 24 ફેબ્રુઆરીએ રશિયાએ યુક્રેન પર હુમલો કરતા યુદ્ધ શરૂ થયું હતું. અત્યાર સુધી રશિયાએ યુક્રેનના ચોથા ભાગ પર કબજો જમાવ્યો છે.

યુદ્ધ કેવી રીતે બંધ થશે
ચીન આ મધ્યસ્થી કયા સ્તરે અને કેવી રીતે ભજવશે તે હજુ સ્પષ્ટ નથી. યુક્રેન સાથે આ મામલે કોઈ સ્તરે વાત થઈ છે કે નહીં, તે હજુ સ્પષ્ટ થયું નથી. ચીનની રશિયા સાથે જે પ્રકારની મિત્રતા છે તે જોતાં મધ્યસ્થીનો આ પ્રયાસ પણ શંકાના દાયરામાં આવે છે.

જો આવો પ્રયાસ કરવામાં આવે તો પણ રશિયાના હિતોનું વધુ ધ્યાન રાખવામાં આવે તેવી શક્યતા છે. આ સિવાય મહાસત્તા અમેરિકાને ચીનની મધ્યસ્થી દ્વારા થયેલો યુદ્ધવિરામ કદાચ વધુ પસંદ ન આવે, આવી સ્થિતિમાં ચીનનો આ પ્રસ્તાવ કેટલો સાચો અને અસરકારક સાબિત થાય છે તે જોવાનું રહેશે