બસ બે દિવસ પછી ગરમીની થશે છુટ્ટી આ જગ્યાએ વરસાદ મચાવશે કોહરામ જાણો ગુજરાતમાં કેવો રહેશે વરસાદ

દેશના અનેક ભાગોમાં ભારે ગરમી અને લૂના કારણે જનજીવન ખૂબ અસ્તવ્યસ્ત છે. છેલ્લા બે દિવસથી રાજસ્થાનના ઘણા શહેરોમાં મહત્તમ તાપમાન સામાન્ય કરતા ઘણું વધારે નોંધાઈ રહ્યું છે. રાજ્યનો ફલોદી જિલ્લો 51 ડિગ્રી સેલ્સિયસ તાપમાન સાથે સૌથી ગરમ રહ્યો હતો, જિલ્લામાં તાપમાન 51 ડિગ્રી સેલ્સિયસ પર પહોંચ્યું હતું. આ સાથે દિલ્હી, યુપી અને બિહાર સહિત ઘણા રાજ્યો ગરમીની લપેટમાં છે.

એટલું જ નહીં જો પહાડોની વાત કરીએ તો જમ્મુમાં પણ તાપમાન 42 ડિગ્રીને પાર કરી ગયું છે અને હિમાચલના ઉનામાં પણ તાપમાન 44 ડિગ્રી પર પહોંચી ગયું છે. પરંતુ તેની હવામાન વિભાગે ખૂબ જ સારા સમાચાર આપતા કહ્યું છે કે આગામી બે-ત્રણ દિવસમાં ચોમાસું દેશમાં દસ્તક આપી રહ્યું છે.

આ વર્ષે સામાન્ય કરતાં વધુ વરસાદ પડશે
ભારતીય હવામાન વિભાગના વડા મૃત્યુંજય મહાપાત્રાએ સોમવારે મીડિયા સાથે વાત કરતાં જણાવ્યું હતું કે, “આ ચોમાસાની સિઝનમાં દેશભરમાં સામાન્ય કરતાં વધુ વરસાદની અપેક્ષા છે, જે દેશને ગરમીથી ઘણી રાહત આપશે. આ ઉપરાંત સમગ્ર દેશમાં દક્ષિણ-પશ્ચિમ ચોમાસાનો વરસાદ 4% ની મોડલ ત્રુટિ સાથે લાંબા ગાળાની સરેરાશના 106% થવાની સંભાવના છે. આમ, સમગ્ર દેશમાં સામાન્ય કરતાં વધુ વરસાદની સંભાવના છે.”

આ વર્ષે દક્ષિણ-પશ્ચિમ ચોમાસું 31 મેના રોજ કેરળમાં પહોંચશે
IMDનું કહેવું છે કે, આગામી 5 દિવસમાં કેરળમાં ચોમાસાની શરૂઆત માટે સ્થિતિ અનુકૂળ બની રહી છે. સામાન્ય રીતે કેરળમાં ચોમાસું 1 જૂને આવે છે, પરંતુ આ વર્ષે દક્ષિણ-પશ્ચિમ ચોમાસું 31 મેના રોજ કેરળમાં પહોંચશે. હવામાન વિભાગે કહ્યું છે કે આ વર્ષે ચોમાસામાં સામાન્ય કરતાં વધુ વરસાદ થવાની સંભાવના છે.

IMD એ ગુરુવારથી ઉત્તર-પશ્ચિમ ભારતમાં પશ્ચિમી વિક્ષેપની આગાહી કરી છે, કારણ કે અલ નીનો સ્થિતિ તટસ્થ થઈ ગઈ છે. બાંગ્લાદેશમાં ગઈકાલે રાત્રે ચક્રવાત રામલ ત્રાટક્યા બાદ દરિયાકાંઠાના બંગાળમાં આજે ભારે વરસાદ થવાની સંભાવના છે. હવામાન વિભાગે કહ્યું કે આવતીકાલ સુધી ઉત્તર-પૂર્વમાં ભારે વરસાદ પડશે. હરિકેન રેમાલ આ સિઝનમાં બંગાળની ખાડીમાં સર્જાયેલું પ્રથમ ચોમાસા પૂર્વેનું ચક્રવાત છે.

ગુજરાતના હવામાનમાં આંશિક પલટો થયાનો અનુભવ થઇ રહ્યો છે. સોમવારે અમદાવાદમાં કાળઝાળ ગરમીની સાથે સાંજ પડતા પડતા થોડો પવન પણ ફૂંકાયો હતો. જેના કારણે લોકોને ગરમીમાંથી થોડી રાહત મળી હતી. ત્યારે આગામી પાંચ દિવસ ગુજરાતનું હવામાન કેવું રહેશે તે અંગેની આગાહી આપણે જોઇએ. હવામાન વિભાગ અને હવામાન નિષ્ણાત અંબાલાલ પટેલે આ અંગેની આગાહી કરી છે. જેમાં તેમણે રાજ્યમાં ગરમી કે વરસાદનો પ્રકોપ રહેશે તેની માહિતી આપી છે.

હવામાન વિભાગના અમદાવાદ કેન્દ્રના મોસમ વૈજ્ઞાનિક અભિમન્યુ ચૌહાણે સોમવારે આગામી સપ્તાહ માટે ગુજરાતના હવામાન અંગેની આગાહી કરી હતી. જેમા તેમણે જણાવ્યુ છે કે, ‘સોમવાકે ગુજરાતનું તાપમાન ફોલિંગ ટેન્ડેન્સીમાં રહ્યુ છે. આગામી દિવસોમાં મહત્તમ વિસ્તારોમાં એકથી બે ડિગ્રીનો ઘટાડો નોંધાશે. જોકે, હજી ઉત્તર ગુજરાતમાં બેથી ત્રણ દિવસ સુધીમાં મહત્તમ તાપમાન યથાવત રહેશે.

આ ઉપરાંતના વિસ્તારોમાં તાપમાનમાં બેથી ત્રણ ડિગ્રી ઘટાડો નોંધાઇ શકે છે.’ ત્યારે બીજી બાજુ હવામાન નિષ્ણાતે 31 મે સુધીમાં ગુજરાતના અનેક વિસ્તારોમાં ગાજવીજ સાથે વરસાદની આગાહી કરી છે.મોસમ વૈજ્ઞાનિકે ગઇકાલે જણાવ્યુ હતુ કે, ‘આગામી પાંચ દિવસ ગુજરાતમાં વરસાદની કોઇ આગાહી નથી. ગુજરાતમાં હવામાન શુષ્ક રહેશે.

આગામી ગુજરાતના ઉત્તર અને મધ્યમ ભાગમાં ત્રણ દિવસ માટે સ્ટ્રોન્ગ વિન્ડ અને સરફેસ વિન્ડ કન્ડીશન બની રહેશે. ત્રણ દિવસ માટે રાજ્યના મહત્તમ ભાગોમાં 25થી 30 કિમી પ્રતિ કલાકની ઝડપે પવન ફૂંકાઇ શકે છે. આ સાથે તેમણે એમ પણ જણાવ્યુ છે કે, લઘુત્તમ તાપમાનની વાત કરીએ તો તે પણ મિનીમમ તાપમાન પણ યથાવત રહેશે તેમા મોટા ફેરફારની કોઇ આગાહી નથી.