વધુ એક વાવાઝોડું ત્રાટકશે આ તારીખે દરિયો ખેડનાર ને આપવામાં આવી ચેતાવણી આ રાજ્યોમાં થશે વરસાદ

હવામાન નિષ્ણાતોએ આ વખતે સારા વરસાદની આગાહી કરી છે. અલનીનો અંત અને લાનીના અસરકારક બનવાની પ્રબળ શક્યતાઓ સાથે તેની ઝલક પણ દેખાવા લાગી છે. બંગાળની ખાડી પર લો પ્રેશર એરિયા બનવાને કારણે ઓડિશાના ઉત્તરી જિલ્લાઓમાં વરસાદની સંભાવના છે. ભારતીય હવામાન વિભાગે બુધવારે આ માહિતી આપી. દરિયાકાંઠાના વિસ્તારોમાં ભારે વરસાદની સંભાવના વચ્ચે હવામાન વૈજ્ઞાનિઓએ માછીમારો અને દરિયાકાંઠાના વિસ્તારોમાં રહેતા લોકોને ચેતવણી આપી છે.

બંગાળની ખાડીમાં લો પ્રેશર ઝોન સર્જાઈ રહ્યું છે. શુક્રવાર સુધીમાં તે ચક્રવાત એટલે કે વાવાઝોડામાં રૂપાંતરિત થવાની સંભાવના વધી ગઇ છે. જેના કારણે ઓડિશા, ઉત્તરી તમિલનાડુ અને દક્ષિણ આંધ્ર પ્રદેશના ઉત્તરી જિલ્લાઓમાં મધ્યમથી ભારે વરસાદ પડી શકે છે. આ ઉપરાંત પશ્ચિમ બંગાળ, મિઝોરમ અને ત્રિપુરામાં પણ વરસાદની સંભાવના છે. હવામાન વિભાગે આ અંગે માહિતી આપી છે.

શું કહ્યું હવામાન વિભાગે?
હવામાન વિભાગે જણાવ્યું હતું કે, દક્ષિણ-પશ્ચિમ બંગાળની ખાડી પર ચક્રવાતી પરિભ્રમણના પ્રભાવ હેઠળ ઉત્તર તમિલનાડુ અને દક્ષિણ આંધ્રપ્રદેશના દરિયાકાંઠે બંગાળની ખાડી પર એક લો પ્રેશર ઝોન સર્જાયું છે. શુક્રવારથી બાલાસોર જિલ્લામાં છૂટાછવાયા સ્થળોએ ભારે વરસાદ (7 સેમીથી 11 સેમી) અને ઉત્તર ઓડિશાના જિલ્લાઓમાં મધ્યમ વરસાદ થવાની અપેક્ષા છે.

હવામાન વિભાગે માછીમારોને ગુરુવાર અને શુક્રવારે દરિયામાં ન જવાની ચેતવણી આપી છે કારણ કે દરિયાની સ્થિતિ ઉબડ-ખાબડ રહેવાની ધારણા છે. માછીમારોને ગુરુવાર સુધીમાં દરિયાકાંઠે પાછા ફરવાની સલાહ આપવામાં આવી હતી. ઓડિશાના વિશેષ રાહત કમિશનરે જિલ્લા મેજિસ્ટ્રેટને સતર્ક રહેવા અને કોઈપણ પરિસ્થિતિનો સામનો કરવા તૈયાર રહેવા વિનંતી કરી છે.

હવામાન વિભાગે જણાવ્યું કે, બંગાળની ખાડીમાં 35-45 કિમી પ્રતિ કલાકથી 55 કિમી પ્રતિ કલાકની ઝડપે પવન ફૂંકાઈ શકે છે. તે ધીરે ધીરે બંગાળની ખાડીમાં 40-50 કિમી પ્રતિ કલાકની ઝડપે 60 કિમી પ્રતિ કલાક સુધી વધશે. વિભાગે જણાવ્યું કે, શુક્રવાર સવારથી 50-60 કિલોમીટર પ્રતિ કલાકની ઝડપે પવન ફૂંકાશે અને તે 70 કિલોમીટર પ્રતિ કલાકની ઝડપે પહોંચી શકે છે.

નવી દિલ્હી. બંગાળની ખાડીમાં ભયંકર વાવાઝોડું સર્જાઈ શકે છે. 48 કલાકમાં લો-પ્રેશર ડિપ્રેશનમાં ફેરવાશે. ડિપ્રેશન વખતે 70 કિમીની ઝડપે પવન ફૂંકાશે. સમુદ્રની મધ્યમાં પહોંચતા તેજ પવન ફૂંકાશે. 4 મોડલ પ્રમાણે વાવાઝોડું ભારતમાં ટકરાશે. 3 મોડેલ પ્રમાણે વાવાઝોડું બાંગ્લાદેશ, મ્યાનમારમાં ટકરાઈ શકે છે. વાવાઝોડું બનવા માટે મોટા ભાગની સ્થિતિ અનુકૂળ છે. સમુદ્ર સપાટીનું તાપમાન વાવાઝોડા માટે અનુકૂળ છે. બંગાળની ખાડીમાં સમુદ્ર સપાટીનું તાપમાન 30થી 32 ડિગ્રી છે.

ઉત્તર-પશ્ચિમ ભારત, ઉત્તર મધ્યપ્રદેશ અને ગુજરાતના મેદાની વિસ્તારોમાં આગામી પાંચ દિવસ સુધી હળવાથી ગંભીર સુધીની ગરમીની લહેર ચાલુ રહેવાની ધારણા છે. હવામાન વિભાગે બુધવારે આ જાણકારી આપી. હવામાન વિભાગના બુલેટિનમાં કહેવામાં આવ્યું છે કે, 22 થી 26 મે સુધી પશ્ચિમ રાજસ્થાન, પંજાબ, હરિયાણા, ચંદીગઢ, પૂર્વી રાજસ્થાન અને પશ્ચિમ ઉત્તર પ્રદેશ અને ઉત્તર પશ્ચિમ મધ્ય પ્રદેશ અને દિલ્હીના અલગ-અલગ વિસ્તારોમાં ગરમીની લહેર ચાલુ રહેશે.