આવનાર ત્રણ દિવસમાં રાજ્યોમાં કહેર વર્તાવશે વરસાદ આકરી ગરમી વચ્ચે વરસાદનો માર

દેશમાં હવામાનની પેટર્ન ખૂબ જ ઝડપથી બદલાઈ રહી છે. બદલાતા હવામાનથી લોકો પરેશાન છે. બદલાતા હવામાનને કારણે લોકોના સ્વાસ્થ્યને પણ ઘણી અસર થઈ રહી છે. ગુજરાતમાં વરસાદની અંબાલાલ પટેલે આગાહી કરી હતી જે પ્રમાણે ગુજરાતમાં ઘણી જગ્યાએ વરસાદ પણ આવ્યો હતો.

એક તરફ દેશના કેટલાક રાજ્યોમાં આકરી ગરમી જોવા મળી રહી છે તો બીજી તરફ કેટલાક રાજ્યોમાં વરસાદ અને વાવાઝોડાની આગાહી કરવામાં આવી છે. IMD અનુસાર, આ વર્ષે દક્ષિણ-પશ્ચિમ ચોમાસું 31 મે સુધીમાં કેરળમાં આવી શકે છે.

IMDની આગાહી અનુસાર, વર્ષ 2024માં કેરળમાં ચોમાસાની શરૂઆત 27 મેથી 4 જૂન, 2024 વચ્ચે થઈ શકે છે. દિલ્હીના હવામાનની વાત કરીએ તો તાજેતરમાં એટલે કે બુધવારે નોંધાયેલ મહત્તમ તાપમાન 41.2 ડિગ્રી સેલ્સિયસ હતું, જે સામાન્ય કરતા એક ડિગ્રી વધુ હતું. હવામાન વિભાગના જણાવ્યા અનુસાર દિલ્હીમાં લઘુત્તમ તાપમાન 22.9 ડિગ્રી સેલ્સિયસ નોંધાયું હતું.

હવામાનશાસ્ત્રીઓના મતે હવે દિલ્હીના લોકોને આગામી સપ્તાહથી આકરી ગરમીનો સામનો કરવો પડી શકે છે. શુક્રવારથી દિલ્હીનું મહત્તમ તાપમાન 44 ડિગ્રી રહેવાની સંભાવના છે. જો યુપીની વાત કરીએ તો શુક્રવારથી હીટ વેવની આગાહી કરવામાં આવી રહી છે.

IMD અનુસાર, ઉત્તર પશ્ચિમ ભારતમાં 16 મેથી અને પૂર્વીય ક્ષેત્રમાં 18 મેથી ગરમીના મોજાને લઈને એલર્ટ જારી કરવામાં આવ્યું છે. બીજી તરફ, હવામાન કચેરીએ દક્ષિણ દ્વીપકલ્પ ભારતમાં 20 મે સુધી તોફાન, વીજળી અને જોરદાર પવન સાથે ભારે વરસાદને લઈને એલર્ટ જાહેર કર્યું છે.