ઇઝરાયેલે કર્યો ઈરાન પર વળતો પ્રહાર નુક્લિયર સાધનો પર સાંધ્યો નિશાનો અમેરિકાએ કરી પુષ્ટિ

ઈઝરાયેલે શુક્રવારે ઈરાનના અનેક શહેરો પર મિસાઈલ અને ડ્રોન હુમલા કર્યા હતા. કહેવામાં આવી રહ્યું છે કે ઈરાનના પરમાણુ પ્લાન્ટ પર પણ મિસાઈલો પડી છે. ઈરાનની ન્યુક્લિયર સાઈટ પર ત્રણ મિસાઈલો પડી હોવાના સમાચાર છે. દરમિયાન, ઇસ્લામિક રિવોલ્યુશનરી ગાર્ડ કોર્પ્સ (IRGC) એ તેના તમામ લશ્કરી મથકોને હાઇ એલર્ટ પર મૂક્યા છે.

એર ડિફેન્સ સિસ્ટમ સક્રિય કરવામાં આવી છે. ઈરાનની સરકારી સમાચાર એજન્સી અનુસાર, આ હુમલો શુક્રવારે વહેલી સવારે થયો હતો. ઈરાનના ઈસ્ફહાન શહેરના એરપોર્ટ પર પણ વિસ્ફોટનો અવાજ સંભળાયો હતો. આ શહેરમાં ઘણા ન્યુક્લિયર પ્લાન્ટ છે. ઈરાનનો સૌથી મોટો યુરેનિયમ પ્રોગ્રામ પણ આ જગ્યાએથી ચાલી રહ્યો છે.

આ વિસ્ફોટો બાદ ઘણી ફ્લાઈટ્સ ડાયવર્ટ કરવામાં આવી છે. આ હુમલા બાદ ઈરાને અનેક પ્રાંતોમાં પોતાની એર ડિફેન્સ સિસ્ટમ સક્રિય કરી દીધી છે. આ હુમલા બાદ ઈરાને તેહરાન, ઈસ્ફહાન અને શિરાઝ જતી તમામ ફ્લાઈટ સ્થગિત કરી દીધી છે. ઓછામાં ઓછી આઠ ફ્લાઈટને ડાયવર્ટ કરવામાં આવી છે.

ઈઝરાયેલના આ સંભવિત હુમલા પહેલા જ ઈરાનના વિદેશ મંત્રી હુસૈન અમીરે ગુરુવારે ચેતવણી આપી હતી. તેણે કહ્યું હતું કે જો ઈઝરાયેલ જવાબી હુમલો કરશે તો ઈરાન તરત જ જડબાતોડ જવાબ આપશે.નોંધનીય છે કે ઈરાને 14 એપ્રિલની રાત્રે લગભગ પાંચ કલાક સુધી ચાલેલા હુમલાઓની શ્રેણીમાં ડ્રોન અને મિસાઈલ વડે ઈઝરાયેલના લક્ષ્યાંકો પર હુમલો કર્યો હતો.

ઇઝરાયેલી પક્ષે નોંધ્યું હતું કે સંરક્ષણ દળો (IDF) એ આશરે 300 ઈરાની શેલમાંથી 99% અટકાવ્યા હતા. મોટાભાગના પ્રક્ષેપણ ઈરાનથી હતા, જેમાં કેટલાક ઈરાક અને યમનના હતા.