અંબાલાલ પટેલે કરી ફરી ભારે વરસાદની આગાહી ૨૪ જુલાઈ સુધી આ જિલ્લામાં વરસી શકે છે ૭ ઇંચ સુધીનો વરસાદ
હવામાન વિભાગની આગાહી અનુસાર આજે ગુજરાતમાં ભારે વરસાદ પડી શકે છે. ત્યારે બીજી તરફ દક્ષિણ ગુજરાતના સુરત, નવસારી, વલસાડ, દમણ સહિતના વિસ્તારોમાં ભારે વરસાદની આગાહી કરવામાં આવી છે.
તેમજ સૌરાષ્ટ્રના પણ કેટલાક જિલ્લાઓમાં વીજળીના કડાકા ભડાકા સાથે અતિભારે વરસાદની આગાહી કરવામાં આવી છે. જ્યારે અમદાવાદમાં અમદાવાદમાં હળવાથી મધ્યમ વરસાદની આગાહી કરવામાં આવી છે. હવામાન વિભાગે માછીમારોને દરિયો ન ખેડવા સૂચના આપવામાં આવી છે.
અંબલાલ પટેલે વરસાદને લઈ કરી મોટી આગાહી
હવામાન નિષ્ણાંત અંબાલાલ પટેલે પણ વરસાદને લઈને મોટી આગાહી કરવામાં આવી છે.બંગાળના ઉપસાગરમાં સિસ્ટમ સક્રિય થતા ગુજરાતમાં ભારે વરસાદ આવી શકે છે. અંબાલાલ પટેલે 24 જુલાઇ સુધી દક્ષિણ ગુજરાતમાં ભારેથી અતિભારેની આાગાહી કરી છે. જૂનાગઢના ભાગોમાં 7 ઇંચથી વધુ વરસાદ થવાની શક્યતા વ્યક્ત કરી છે.
જામનગરના ભાગોમાં 5 ઇંચ જેટલો વરસાદ પડવાની આગાહી કરી છે. તેમજ પંચમહાલ, સાબરકાંઠા અને કચ્છના ભાગોમાં ભારેની આગાહી કરી છે. 26 અને 30 જુલાઇએ બંગાળના ઉપસાગરમાં સિસ્ટમ બનશે જેના પગલે ઓગસ્ટ મહિનામાં રાજ્યના વિવિધ ભાગોમાં વરસાદ થશે.
ગુજરાતના અનેક વિસ્તારોમાં છેલ્લા કેટલાક દિવસથી ધોધમાર વરસાદ વરસી રહ્યો છે. જો આપણે છેલ્લા 24 કલાકની વાત કરીએ તો ગુજરાતના કુલ 99 તાલુકામાં વરસાદ ખાબક્યો છે. જેમાં સૌથી વધારે દ્વારકા જિલ્લામાં 6.5 ઈંચ વરસાદ ખાબક્યો છે. જ્યારે જૂનાગઢમાં 5.7 ઈંચ વરસાદ વરસ્યો છે.
સૌરાષ્ટ્રના જિલ્લાઓમાં જળબંબાકાર !
તેમજ વેરાવળમાં 5 ઈંચ વરસાદ પડ્યો છે. આ ઉપરાંત તાલાલામાં 4 ઈંચ, વંથલીમાં 3.9 ઈંચ, મેંદરડા અને માણાવદરમાં 3 ઈંચ વરસાદ ખાબક્યો છે. તેમજ અન્ય 5 તાલુકામાં 2 ઈંચથી વરસાદ પડ્યો છે. સૌરાષ્ટ્રના દ્વારકા, જૂનાગઢ સહિતના જિલ્લાઓમાં ભારે વરસાદ ખાબક્તા જળ બંબાકારની સ્થિતિ સર્જાઈ છે. તો 300થી વધારે ગામડાઓમાં અંધારપટ છવાયો છે.
ગુજરાતના આ જિલ્લાઓમાં અતિભારે વરસાદની આગાહી
હવામાન વિભાગે દક્ષિણ ગુજરાતના સુરત, નવસારી, વલસાડ, દમણ સહિતના વિસ્તારોમાં ભારે વરસાદની આગાહી કરવામાં આવી છે. તેમજ સૌરાષ્ટ્રના પણ કેટલાક જિલ્લાઓમાં વીજળીના કડાકા ભડાકા સાથે અતિભારે વરસાદની આગાહી કરવામાં આવી છે. જ્યારે અમદાવાદમાં અમદાવાદમાં હળવાથી મધ્યમ વરસાદની આગાહી કરવામાં આવી છે. હવામાન વિભાગે માછીમારોને દરિયો ન ખેડવા સૂચના આપવામાં આવી છે.