લગ્નના છ વર્ષ પછી યુવરાજના ઘરે ગુંજી કિલકારી પિતા બનવાની ખુશી કઈક આ રીતે બતાવી
ભારતના પૂર્વ ઓલરાઉન્ડર યુવરાજ સિંહ પિતા બની ગયા છે. પત્ની હેઝલ કીચે પુત્રને જન્મ આપ્યો છે. પૂર્વ ક્રિકેટરે મંગળવારે આ જાણકારી આપી. યુવરાજે સોશિયલ મીડિયા પર પોતાના ફેન્સ અને ફોલોઅર્સને આ સારા સમાચારની જાણકારી આપી હતી. યુવરાજે મંગળવારે રાત્રે ટ્વિટર અને ઈન્સ્ટાગ્રામ પર આની જાણકારી આપી હતી.
આ દરમિયાન ટીમ ઈન્ડિયાના પૂર્વ કેપ્ટન અને બીસીસીઆઈ પ્રમુખ સૌરવ ગાંગુલી, વીવીએસ લક્ષ્મણ, મોહમ્મદ કૈફ અને હરભજન સિંહને રમત જગત સાથે જોડાયેલા અન્ય લોકોએ અભિનંદન પાઠવ્યા છે. યુવરાજે લખ્યું, ‘અમારા તમામ પ્રશંસકો, પરિવાર અને મિત્રોને જણાવતા અમને આનંદ થાય છે કે આજે ભગવાને અમને એક બાળકનો આશીર્વાદ આપ્યો છે.
અમે આ આશીર્વાદ માટે ભગવાનનો આભાર માનીએ છીએ અને તમને અમારી ગોપનીયતાનો આદર કરવા માટે કહીએ છીએ. લવ, હેઝલ અને યુવરાજ. યુવરાજની જેમ, હેઝલે પણ આ સારા સમાચાર વિશે માહિતી આપવા માટે તેના સત્તાવાર સોશિયલ મીડિયા એકાઉન્ટ પર એક સમાન ટ્વિટ પોસ્ટ કર્યું છે. આ કપલે 2016માં લગ્ન કર્યા હતા.
તમને જણાવી દઈએ કે યુવરાજ સિંહ ઓમાનમાં રમાઈ રહેલી લિજેન્ડ્સ લીગ ક્રિકેટની 2022 સીઝનમાં ભારતીય મહારાજાની ટીમનો ભાગ છે, પરંતુ તે પ્રથમ ત્રણ મેચમાં રમતા જોવા મળ્યો નથી. ટૂર્નામેન્ટની શરૂઆત પહેલા જ ખબર પડી હતી કે ડાબોડી ક્રિકેટર કેટલાક અંગત કારણોસર શરૂઆતની કેટલીક મેચોમાં નહીં રમે.
❤️ @hazelkeech pic.twitter.com/IK6BnOgfBe
— Yuvraj Singh (@YUVSTRONG12) January 25, 2022
અગાઉ, તે ગયા વર્ષે રોડ સેફ્ટી સિરીઝમાં ઇન્ડિયા લિજેન્ડ્સ તરફથી રમતા જોવા મળ્યો હતો. 40 વર્ષીય યુવરાજે 2003માં કેન્યા સામે જીમખાના ક્લબ ગ્રાઉન્ડ ખાતે રમાયેલી ODI મેચમાં આંતરરાષ્ટ્રીય ક્રિકેટમાં પ્રવેશ કર્યો હતો. દિગ્ગજ ઓલરાઉન્ડરે ટીમ ઈન્ડિયા માટે 40 ટેસ્ટ, 304 ODI અને 58 T20 રમી હતી.
Mubarakaaaa munde de peo te maa nuuuuuuu.. buraaaahhhh .. Very happy for you both 👶❤️ https://t.co/OQZWttshk1
— Harbhajan Turbanator (@harbhajan_singh) January 25, 2022
યુવરાજે ઈન્ડિયન પ્રીમિયર લીગ (આઈપીએલ)માં પંજાબ કિંગ્સ (તે સમયે કિંગ્સ ઈલેવન પંજાબ), પૂણે વોરિયર્સ, રોયલ ચેલેન્જર્સ બેંગ્લોર, દિલ્હી કેપિટલ્સ, સનરાઈઝર્સ હૈદરાબાદ અને મુંબઈ ઈન્ડિયન્સનું પ્રતિનિધિત્વ કર્યું હતું. તેણે 2019માં ક્રિકેટના તમામ ફોર્મેટમાંથી નિવૃત્તિની જાહેરાત કરી હતી.
ભારતના પૂર્વ ઓલરાઉન્ડર યુવરાજ સિંહ પિતા બની ગયા છે. પત્ની હેઝલ કીચે પુત્રને જન્મ આપ્યો છે. પૂર્વ ભારતીય કેપ્ટન અને BCCI પ્રમુખ સૌરવ ગાંગુલી, VVS લક્ષ્મણ મોહમ્મદ કૈફ અને હરભજન સિંહ અને રમત જગત સાથે જોડાયેલા અન્ય લોકોએ તેને અભિનંદન પાઠવ્યા છે.