આવનાર બે દિવસ પડશે વરસાદ સુરતીઓ માટે ઉતરાયણ પર છવાશે કાળા વાદળો
ઉત્તર ભારતમાં વરસાદે તબાહી મચાવી છે. હવામાન વિભાગે આગાહી કરી છે કે 11 જાન્યુઆરી સુધી ભારતના કેટલાક રાજ્યોમાં વરસાદ ચાલુ રહેશે. વરસાદ ઉપરાંત ગાઢ ધુમ્મસ પણ લોકોની મુશ્કેલીઓમાં વધારો કરશે.
આ રાજ્યોમાં વરસાદે તબાહી મચાવી છે
ભારતીય હવામાન વિભાગ (IMD) અનુસાર, ઉત્તર અને મધ્ય ભારતમાં વરસાદનો કહેર ચાલુ રહેશે. આજે (રવિવારે) પંજાબ, હરિયાણા, ચંદીગઢ, દિલ્હી, ઉત્તર રાજસ્થાન અને ઉત્તર પ્રદેશમાં વરસાદ પડશે. જો કે આ પછી વરસાદની અસર ઓછી થઈ જશે. બીજી તરફ મધ્યપ્રદેશ, વિદર્ભ, પૂર્વ ભારત અને છત્તીસગઢમાં 11 જાન્યુઆરી સુધી વરસાદ ચાલુ રહેશે.
નોંધનીય છે કે વરસાદની સાથે લોકોને ગાઢ ધુમ્મસનો પણ સામનો કરવો પડશે. ઉત્તર પ્રદેશ, બિહાર, ઉત્તર પશ્ચિમ બંગાળ અને સિક્કિમમાં આગામી 24 કલાક સુધી ધુમ્મસ છવાયેલ રહેશે.
Fairly widespread to widespread rainfall over Punjab, Haryana, Chandigarh & Delhi, north Rajasthan, Uttar Pradesh during 07-09 and decrease significantly thereafter. Scattered/FWS light/moderate rainfall over Madhya Pradesh during 07-11, Vidarbha and Chhattisgarh during 09-11 Jan
— India Meteorological Department (@Indiametdept) January 7, 2022
દિલ્હીમાં વરસાદે રેકોર્ડ તોડ્યો
આ વખતે દિલ્હીમાં જાન્યુઆરીમાં પડેલા વરસાદે 22 વર્ષ જૂનો રેકોર્ડ તોડ્યો છે. છેલ્લા 24 કલાકમાં દિલ્હીમાં 41 મીમી વરસાદ નોંધાયો છે. દિલ્હીમાં શુક્રવાર રાતથી પડી રહેલા અવિરત વરસાદને કારણે દિલ્હીના ઘણા નીચાણવાળા વિસ્તારોમાં પાણી ભરાઈ ગયા છે.
IMD અનુસાર, વાતાવરણમાં ફેરફાર અને ચક્રવાતની વધતી સંખ્યાને કારણે વરસાદ પડી રહ્યો છે. વરસાદના કારણે ટ્રોપોસ્ફિયરના સ્તરમાં ભેજ આવી ગયો છે.