યુદ્ધના 70 માં દિવસે યુરોપિયન યુનિયન એ રશિયા પર કર્યો એવો પ્રહાર પુતિને યુદ્ધ અંગે લીધો ચોકાવનારો ફેંસલો

યુરોપિયન યુનિયને રશિયા-યુક્રેન યુદ્ધના 70મા દિવસે રશિયન તેલ અને રશિયન બેંકો પર પ્રતિબંધો લાદવાના નિર્ણયને બહાલી આપી છે.
અહીં જવાબી કાર્યવાહીમાં રશિયાના રાષ્ટ્રપતિ પુતિને પણ અનેક પ્રતિબંધો લગાવવાના નિર્ણય પર હસ્તાક્ષર કર્યા છે.

પુતિને એક યાદી બનાવવાનો આદેશ આપ્યો છે, જેમાં તેમની વિરુદ્ધના દેશો અને સંગઠનો અને કંપનીઓ સામેલ હશે. આ યાદી આગામી 10 દિવસમાં તૈયાર થવાની છે. રશિયા તેની સાથે સંકળાયેલા લોકો સાથે કોઈપણ પ્રકારનો વેપાર નહીં કરે.

બીજી તરફ, યુરોપિયન યુનિયનના પ્રમુખ ઉર્સુલા વોન ડેર લેયેને સ્ટ્રાસબર્ગમાં યુરોપિયન સંસદમાં કહ્યું કે પુતિનને તેમના ક્રૂર આક્રમણની મોટી કિંમત ચૂકવવી પડશે.

અને સાથે મળીને સંઘે રશિયન તેલ પર પ્રતિબંધો લાદવાના અને રશિયાની સૌથી મોટી બેંક Sberbank અને બે ફાઇનાન્સ કંપનીઓ પર પ્રતિબંધો લાદવાના નિર્ણયને મંજૂરી આપી છે.

યુરોપિયન કમિશને આગામી 6 મહિનામાં રશિયન ક્રૂડ ઓઈલ અને રિફાઈન્ડ પ્રોડક્ટ્સનો પુરવઠો તબક્કાવાર બંધ કરવાનો પ્રસ્તાવ મૂક્યો હતો.જેના કારણે રશિયાને $1.8 ટ્રિલિયનનું નુકસાન થવા જઈ રહ્યું છે.અને રશિયાની અર્થવ્યવસ્થા પર ભારે દબાણ આવશે. આ સમાચાર પછી બ્રેન્ટ ક્રૂડ 3 ટકા વધીને 1.8 ડોલર પ્રતિ બેરલ થઈ ગયું છે.

તે જ સમયે, સ્લોવાકિયા અને હંગેરીએ આ પ્રસ્તાવને સમર્થન આપ્યું નથી કારણ કે બંને તેમના ઊર્જા પુરવઠા માટે સંપૂર્ણપણે રશિયા પર નિર્ભર છે.