રશિયા યુક્રેન યુદ્ધ વચ્ચે NATO એ ફરિ આપ્યું યુક્રેનને નિમંત્રણ 7 એપ્રિલે થઈ શકે છે આ મોટું કાર્ય થશે મોટી યુદ્ધ પર મોટી અસર

રશિયા અને યુક્રેન વચ્ચે મંગળવારે તુર્કીના ઈસ્તાંબુલમાં થયેલી રૂબરૂ વાતચીતને સાર્થક ગણાવવામાં આવી છે. એવું કહેવામાં આવી રહ્યું છે કે યુદ્ધ ખતમ કરવાની સમજૂતી બહુ જલ્દી થઈ શકે છે. દરમિયાન, ઉત્તર એટલાન્ટિક સંધિ સંગઠન (નાટો) એ મંગળવારે યુક્રેનને 6 અને 7 એપ્રિલે બ્રસેલ્સમાં યોજાનારી સમિટમાં ભાગ લેવા આમંત્રણ આપ્યું હતું.

રશિયા અને યુક્રેન વચ્ચે ચાલી રહેલી વાતચીત પર આ આમંત્રણની અસર પડી શકે છે. એવી આશંકા પણ વ્યક્ત કરવામાં આવી છે કે આનાથી યુદ્ધવિરામ સમજૂતી ન થઈ શકે.

યુક્રેન ઉપરાંત, નાટોએ અન્ય બિન-સદસ્ય દેશો જ્યોર્જિયા, ફિનલેન્ડ, સ્વીડન, ઓસ્ટ્રેલિયા, ન્યુઝીલેન્ડ, જાપાન અને રિપબ્લિક ઓફ કોરિયાને પણ બ્રસેલ્સમાં યોજાનારી સમિટમાં ભાગ લેવા આમંત્રણ આપ્યું છે.

હવે જો યુક્રેન આ આમંત્રણ સ્વીકારીને નાટો સાથે આગળ વધે છે તો તેની સીધી અસર રશિયા સાથે ચાલી રહેલા સંઘર્ષ પર પડી શકે છે.યુક્રેને છેલ્લા એક મહિનાથી રશિયા સાથેના સંઘર્ષને ઉકેલવા માટે ઘણા પ્રયાસો કર્યા છે.

આ માટે તેણે નાટોમાં જોડાવાની ઈચ્છા છોડવાની પણ જાહેરાત કરી છે. અહીં, રશિયાએ એમ પણ કહ્યું છે કે તે યુક્રેનની રાજધાની કિવની આસપાસ સૈન્ય ગતિવિધિઓમાં ઘટાડો કરશે.

આંતરરાષ્ટ્રીય મામલાના નિષ્ણાતોનું માનવું છે કે જો યુક્રેન નાટોમાં જોડાવાની જીદ છોડી દે તો રશિયા પણ પોતાની સેના પાછી ખેંચી શકે છે. અહીં, નાટો દ્વારા આમંત્રિત કર્યા પછી, યુક્રેન પર નજર ટકેલી છે.

અગાઉ, યુક્રેનના રાષ્ટ્રપતિ ઝેલેન્સકીને પ્રથમ નાટો સમિટને વર્ચ્યુઅલ રીતે સંબોધિત કરવા આમંત્રણ આપવામાં આવ્યું હતું અને તેમણે હાજરી આપી હતી. તેમણે યુક્રેનમાં રશિયન હુમલા પર વાત કરી હતી