ચીનમાં વિમાન ક્રેશ ના 18 કલાક બાદ નથી બચ્યું કોઈ જીવતું તસ્વીરો જોઈને તમે પણ રહી જશો હેરાન

રાજ્ય સંચાલિત શિન્હુઆ સમાચાર એજન્સીએ પ્રાદેશિક આપત્તિ વ્યવસ્થાપન વિભાગને ટાંકીને જણાવ્યું હતું કે ચાઇના ઇસ્ટર્ન એરલાઇન્સનું બોઇંગ 737 પ્લેન તેંગ્સિયન કાઉન્ટીના વુઝોઉ શહેરમાં ક્રેશ થયું હતું, જેના કારણે આસપાસના પર્વતીય વિસ્તારમાં આગ લાગી હતી. પ્લેન કુનમિંગથી ગુઆનઝોઉ જઈ રહ્યું હતું. લગભગ એક દાયકામાં ચીનની આ સૌથી મોટી વિમાન દુર્ઘટના છે.

વિમાનમાં કુલ 132 લોકો સવાર હતા.રાહત કાર્યકરો સરકારી ટીવી પર સર્ચલાઈટ લઈને સ્થળ પર પહોંચતા જોઈ શકાય છે. ‘સિવિલ એવિએશન એડમિનિસ્ટ્રેશન ઑફ ચાઇના’ (ચીનના નાગરિક ઉડ્ડયન વિભાગ)ની વેબસાઇટ પર ઉપલબ્ધ માહિતી અનુસાર, વિમાનમાં 123 લોકો 123 મુસાફરો અને નવ ક્રૂ મેમ્બર હતા.

એરલાઇનસ જાહેરાત કરી છે કે બોર્ડમાં કોઈ વિદેશી નાગરિકો નહોતા. સમાચાર અનુસાર, પ્લેનમાં હાજર ક્રૂ મેમ્બર્સમાંથી કેટલાકના સંબંધીઓ યુનાન પ્રાંતમાં આવેલી ‘ચાઈના ઈસ્ટર્ન એરલાઈન્સ’ની બ્રાન્ચ ઓફિસ પહોંચી ગયા છે અને તેમને આ મામલે મદદ કરવામાં આવી રહી છે.

ચીનના રાષ્ટ્રપતિ અકસ્માતના સમાચાર સાંભળીને ચોંકી ગયા છે.ચીનના રાષ્ટ્રપતિ શી જિનપિંગે કહ્યું કે તેઓ વિમાન દુર્ઘટના વિશે સાંભળીને “આઘાત” પામ્યા હતા અને તેમણે વ્યાપક શોધ અને બચાવ કામગીરીનો આદેશ આપ્યો હતો.

ક્રેશ પછી તરત જ જારી કરાયેલ સૂચનાઓમાં, શીએ કહ્યું હતું કે તેઓ કુનમિંગથી ગુઆનઝોઉ જતી ચાઈના ઈસ્ટર્ન એરલાઈન્સની ફ્લાઈટ MU5735ના ક્રેશના સમાચાર સાંભળીને ચોંકી ગયા હતા, એમ સરકારી ઝિન્હુઆ ન્યૂઝ એજન્સીએ જણાવ્યું હતું.

તાત્કાલિક પગલાં લઈને તેમણે વિગતવાર શોધ અને બચાવ કામગીરીનો આદેશ આપ્યો છે. તેમણે કહ્યું કે અકસ્માતનું કારણ જાણવા માટે તાત્કાલિક કાર્યવાહી કરવામાં આવી રહી છે અને ઉડ્ડયન ક્ષેત્ર અને લોકોના જીવનની સલામતી માટે ઉડ્ડયન ક્ષેત્રની સુરક્ષામાં સુધારો કરવાની જરૂર છે.

પીએલએની ટીમ સ્થળ પર છ સધર્ન થિયેટર કમાન્ડે સોમવારે કહ્યું કે પીપલ્સલિબરેશન આર્મી (પીએલએ)ની ટીમ તાત્કાલિક રાહત કાર્ય માટે ઘટનાસ્થળે પહોંચી ગઈ છે. સરકારી મીડિયા અનુસાર, વિમાન ઝડપથી પર્વતીય વિસ્તાર તરફ આગળ વધ્યું અને ક્રેશ થયું. અકસ્માતમાં જાનહાનિ અંગે હાલમાં કોઈ સત્તાવાર નિવેદન નથી, પરંતુ પ્લેનમાં સવાર લોકોના બચવાની સંભાવના ઘણી ઓછી છે.

પ્રાદેશિક અગ્નિશમન વિભાગે જણાવ્યું કે વુઝોઉ ફાયર વિભાગે 23 ફાયર ટેન્ડરો સાથે 117 અગ્નિશામકોને સ્થળ પર મોકલ્યા છે. તેમણે કહ્યું કે ગુઆંગસીના અન્ય ભાગોમાંથી અન્ય 538 અગ્નિશામકોને બચાવ કાર્ય માટે મોકલવામાં આવ્યા છે. પ્રાદેશિક આપત્તિ વ્યવસ્થાપન વિભાગના અધિકારી ચેન જીએ જણાવ્યું હતું કે આગ પર કાબૂ મેળવી લેવામાં આવ્યો છે અને બચાવ કામગીરી ચાલુ છે.

તપાસ ખૂબ જ ગંભીરતાથી કરવામાં આવશે
રાજ્ય પ્રસારણકર્તા સીસીટીવીના અહેવાલો અનુસાર, એરલાઈને નવ ટીમોની રચના કરી છે જેનું કામ વિમાનના કાટમાળનો નિકાલ, અકસ્માતની તપાસ અને પીડિતોના પરિવારોને મદદ કરવાનું છે. વડા પ્રધાન લી ક્વિંગે પીડિત પરિવારોને સાંત્વના આપવાનો પ્રયાસ કરતા કહ્યું કે તેમને મદદ કરવામાં આવશે.

વાસ્તવિક રીતે સાચી માહિતી સમયસર પૂરી પાડવામાં આવશે, અકસ્માતની તપાસ અત્યંત ગંભીરતા સાથે કરવામાં આવશે અને સુરક્ષાને વધુ મજબૂત બનાવવામાં આવશે. નાગરિક ઉડ્ડયન ક્ષેત્ર માટે કડક પગલાં લેવામાં આવશે

ચીનમાં બોઇંગની તમામ ફ્લાઇટ્સ રદ કરવામાં આવી છે
દરમિયાન, એરલાઇન અધિકારીઓએ જણાવ્યું હતું કે ચીનની ત્રણ સૌથી મોટી એરલાઇન્સમાંની એક ચાઇના ઇસ્ટર્ન એરલાઇન, સોમવારે અકસ્માત બાદ તેની તમામ બોઇંગ 737-800 ફ્લાઇટ્સ રદ કરી દીધી છે. એટલું જ નહીં ચાઈના ઈસ્ટર્ન એરલાઈન્સે પોતાની વેબસાઈટનો રંગ બદલીને કાળો કરી દીધો છે.

ન્યૂઝ પોર્ટલ ‘ધ પેપર’ અનુસાર, ગુઆનઝોઉ બાયયુન ઈન્ટરનેશનલ એરપોર્ટના એક કર્મચારીએ જણાવ્યું કે કુનમિંગથી ગુઆનઝોઉ જતી ફ્લાઈટ MU5735 તેના ગંતવ્ય સ્થાન પર નથી પહોંચી. પ્લેન કુનમિંગથી સ્થાનિક સમય મુજબ બપોરે 1:10 વાગ્યે ઉપડવાનું હતું અને 2:52 વાગ્યે ગુઆનઝોઉ પહોંચવાનું હતું, પરંતુ હવે બાયયુન એરપોર્ટ એપ્લિકેશન પર ગુમ થવાના અહેવાલ છે.