આવનાર સમયમાં આ રાજ્યોમાં થઈ શકે છે ઓલાવૃષ્ટી સાથે ભારે વરસાદ મોસમ વિભાગે કર્યો એલર્ટ જાહેર

હાલ સમગ્ર દેશમાં કમોસમી વરસાદનું સંકટ તોળાઈ રહ્યું છે. મહારાષ્ટ્ર, મધ્યપ્રદેશ અને આંધ્રપ્રદેશમાં પણ કમોસમી વરસાદ થયો છે. દેશના અનેક રાજ્યોના વિવિધ ભાગોમાં કમોસમી વરસાદ થયો છે. ઘણા જિલ્લાઓમાં પાક અને બગીચાને નુકસાન થવાથી ખેડૂતો પરેશાન છે. કેટલાક વિસ્તારોમાં કરા પણ પડ્યા છે. ઘણા રાજ્યોમાં રવિવારે પણ કમોસમી વરસાદની સમસ્યા યથાવત છે. IMDએ આગામી 72 કલાકમાં ભારે વરસાદની આગાહી કરી છે.

દેશમાં હવામાન પેટર્ન:
પૂર્વ મધ્ય પ્રદેશ, પૂર્વ ઉત્તર પ્રદેશ, બિહાર, તમિલનાડુ, પુડુચેરી અને કરાઈકલ, પશ્ચિમ મધ્ય પ્રદેશના કેટલાક વિસ્તારોમાં તાપમાન 40-42 ડિગ્રી સેલ્સિયસ વચ્ચે રહ્યું. ભારતીય હવામાન વિભાગના જણાવ્યા અનુસાર, શુક્રવારે ઘણા વિસ્તારોમાં મહત્તમ તાપમાન 42-44 ડિગ્રી સેલ્સિયસની વચ્ચે વધ્યું હતું.

વિદર્ભ, રાયલસીમા, મધ્ય મહારાષ્ટ્રના ભાગો, તેલંગાણા, મરાઠવાડા, છત્તીસગઢ, ઓડિશા, ઉત્તર મધ્ય પ્રદેશ અને ગંગાના પશ્ચિમ બંગાળમાં તીવ્ર ગરમીનું મોજું જોવા મળ્યું છે. આ સિવાય પૂર્વ ઉત્તર પ્રદેશ અને ઝારખંડના અલગ-અલગ વિસ્તારોમાં પણ આવી જ ગરમી અનુભવાઈ હતી.

આ રાજ્યોમાં વરસાદ પડી શકે છે:
ભારતીય હવામાન વિભાગની આગાહી અનુસાર, દેશના ઘણા રાજ્યો જેમ કે મધ્યપ્રદેશ, બિહાર, ઝારખંડ અને મહારાષ્ટ્રમાં આગામી ત્રણથી ચાર દિવસ સુધી વરસાદની સંભાવના છે. આવી સ્થિતિમાં આગામી 48 કલાકમાં ભારે પવન સાથે ભારે વરસાદ જોવા મળશે.

IMD એ પણ કેટલાક ભાગોમાં મુશળધાર વરસાદની આગાહી કરી છે. વેસ્ટર્ન ડિસ્ટર્બન્સના કારણે દેશ અને રાજ્યમાં કમોસમી વરસાદ માટે સાનુકૂળ સ્થિતિ સર્જાઈ રહી છે. આ વરસાદથી જનજીવન પ્રભાવિત થઈ શકે છે. દુબઈમાં પણ ભારે વરસાદના કારણે ઠેર ઠેર પાણી ભરાઈ ગયા હતા.