ભારતને રશિયાએ કહ્યું ખૂબ સારો સમય છે તમે કહો તો આ દેશમાં પણ મચાવી દઉં ખલબલી

રશિયાના રાજદૂત ડેનિસ અલીપોવે કહ્યું છે કે આગામી દિવસોમાં ભારતીય ફાર્માસ્યુટિકલ કંપનીઓ પશ્ચિમી દવા ઉત્પાદકોની જગ્યા લઈ શકે છે.રશિયાના રાજદૂતે રોસિયા 24 ન્યૂઝ ચેનલને આપેલા ઈન્ટરવ્યુમાં જણાવ્યું હતું કે ભારત વિશ્વનું ફાર્મસી બજાર છે અને જેનરિક દવાઓનું સૌથી મોટું ઉત્પાદક છે,

જે કોઈપણ વાસ્તવિક દવાથી ઓછી નથી. અલીપોવે સ્પુટનિક એજન્સીને જણાવ્યું હતું કે રશિયન માર્કેટમાંથી પશ્ચિમી કંપનીઓનું એક્ઝિટ ભારતીય કંપનીઓ માટે ફાયદાકારક સાબિત થઈ શકે છે. ખાસ કરીને ફાર્મા ઉદ્યોગમાં.

તમને જણાવી દઈએ કે અમેરિકા અને યુરોપિયન યુનિયન સાથે જોડાયેલા દેશોએ પુતિન સરકાર અને તેની બેંકો પર કડક પ્રતિબંધો લગાવ્યા છે. આ કારણે, મોટાભાગની પશ્ચિમી કંપનીઓ રશિયામાંથી બહાર નીકળી ગઈ છે.

ફૂડ ચેઈન મેકડોનાલ્ડ્સથી લઈને વિઝા અને માસ્ટરકાર્ડ જેવી પેમેન્ટ ગેટવે કંપનીઓએ પણ રશિયામાં તેમની સેવાઓ બંધ કરી દીધી છે. આ સિવાય ઘણી અન્ય સંસ્થાઓ પણ રશિયા છોડવાનું વિચારી રહી છે. આવી સ્થિતિમાં ઘણા મહત્વપૂર્ણ ક્ષેત્રોમાં રશિયાની મુશ્કેલીઓ વધી રહી છે.

રશિયાએ પોતાનું નુકસાન ઓછું કરવા માટે ભારતને સસ્તા ભાવે તેલ આપવાનો પ્રસ્તાવ મૂક્યો છે. અનેક અહેવાલોમાં એવો દાવો કરવામાં આવ્યો છે કે ભારતીય તેલ કંપનીઓએ માત્ર માર્ચ મહિનામાં જ રશિયા પાસેથી સામાન્ય ક્ષમતા કરતાં ચાર ગણું વધુ તેલ ખરીદ્યું છે. તેલની વધતી ખરીદી માટે ચૂકવણી કરવા માટે બંને દેશોની સરકારો રૂપિયામાં ચૂકવણીની પદ્ધતિ પણ શોધવાનો પ્રયાસ કરી રહી છે.